Kun Ano an Sasabihon Manongod sa mga Magasin

The Watchtower Peb. 1

“Sa paghona nindo ano daw an magigin epekto sa mga pamilya kun iaaplikar ninda an sadol na ini? [Basahon an Efeso 4:31. Dangan pasimbagon.] Nagtatao an artikulong ini nin nagkapirang praktikal na suhestion hale sa Biblia para sa pagresolber sa mga iriwal asin pagpapadanay nin kaogmahan sa relasyon nin mag-agom.” Itampok an artikulong nagpopoon sa pahina 18.

Awake! Peb.

“Naniniwala an nagkapira na sinusubaybayan nin Dios an lambang sala na nagigibo niato. An iba naniniwala na pinapatawad nia an gabos na kasalan, gurano man kagabat. Ano sa paghona nindo? [Pasimbagon. Dangan basahon an Gibo 3:19.] Tinotokar kan artikulong ini an tolong lakdang na sinasabi sa Biblia tanganing makamit an pagkaherak nin Dios.” Itampok an artikulong nagpopoon sa pahina 10.

The Watchtower Mar. 1

“Gusto kong kuanon an saindong opinyon manongod sa pamilyar na marhay na tekstong ini. [Basahon an Juan 3:16.] Napag-isip-isip na daw nindo kun paanong an kagadanan nin sarong tawo puedeng magresulta sa buhay na daing katapusan para sa iba? [Pasimbagon.] Nagtatao an magasin na ini nin malinaw asin nakakakontentong paliwanag kun paano kita puedeng makinabang sa kagadanan ni Jesus.”

Awake! Mar.

“Sa paghona daw nindo marahay an gabos na relihion? [Pasimbagon.] Mangnohon nindo kun ano an sinasabi kan Biblia manongod sa pagsamba nin nagkapira. [Basahon an Marcos 7:7.] Paano maaaraman nin saro kun an sarong relihion nagtotokdo kan katotoohan asin bakong nin ‘mga pagboot nin tawo’? Makukua pa daw ngani an katotoohan sa relihion? Sinisimbag kan magasin na ini an mga hapot na ini.”