Kun Ano an Sasabihon Manongod sa mga Magasin

An Torrengbantayan Ene.–Mar.

“Maoyon daw kamo sa sinasabi digdi? [Basahon an Santiago 3:2.] An artikulong ini nagtatao nin nagkapirang praktikal na suhestion hale sa Biblia tanganing tabangan kitang malikayan na makakolog sa mga kapamilya paagi sa satong pagtaram.” Itampok an artikulo na nagpopoon sa pahina 10.

Awake! Ene.

“Sa paghona daw nindo mabubuhay giraray an satong nagadan na mga namomotan? [Pasimbagon.] An Biblia nagsasabi na igwa nin dalan na luluwasan hale sa kagadanan. [Basahon an Salmo 68:20.] Ipinapaheling kan magasin na ini kun taano ta dai niato kaipuhan na katakotan an kagadanan bilang an permanenteng katapusan nin buhay.”

The Watchtower Peb. 1

“Dakol na tawo an namimibi na logod dumatong an Kahadean nin Dios. Halimbawa, mangnoha an bantog na pamibing ini na itinokdo ni Jesus sa saiyang mga parasunod. [Basahon an Mateo 6:9, 10.] Napag-isip-isip na daw nindo kun ano an Kahadean asin kun noarin iyan madatong? [Pasimbagon.] Ipinapaheling kan magasin na ini kun ano an sinasabi kan Biblia dapit sa bagay na iyan.”

Awake! Peb.

“Sa bilog na kasaysayan an mga babae apektadong gayo nin pagpalaenlaen asin kadahasan. Ano sa paghona nindo an dahelan kaiyan? [Pasimbagon.] Mangnoha kun paano nagtatao nin instruksion an Biblia sa mga agom na lalaki kun paano tatrataron an saindang agom. [Basahon an 1 Pedro 3:7.] Ipinapaheling kan magasin na ini basado sa Biblia kun paano minamansay nin Dios asin ni Cristo an mga babae.”