Kun Ano an Sasabihon Manongod sa mga Magasin

An Torrengbantayan Enero 15

“Saen daw sa paghona nindo puedeng dumuman an mga mag-agom para sa masasarigan na sadol? [Pasimbagon.] Mangnoha kun siisay an kagpundar kan pag-agoman. [Basahon an Genesis 2:22.] Nagtao man an Dios nin mga instruksion manongod sa may dignidad na papel kan agom na lalaki asin babae. Nagpapaliwanag an magasin na ini.”

Awake! Enero

“Nariparo daw nindo na dakol na naghihingakong Kristiano an dai nagsusunod sa mga katokdoan ni Jesus? [Pasimbagon.] Halimbawa, dakol an dai nagsusunod sa mga tataramon ni Jesus digdi. [Basahon an Juan 13:35.] Sinisiyasat kan artikulong ini an pagkakalaen kan itinokdo ni Jesus asin kan pagmansay nin dakol na naghihingakong Kristiano.” Itampok an artikulo na nagpoon sa pahina 18.

An Torrengbantayan Pebro 1

“Sa paghona daw nindo mas magigin marahay an komunidad niato kun an gabos namumuhay kaoyon kan mga tataramon na ini? [Basahon an Efeso 4:25. Dangan pasimbagon.] Dakol an naghohona na akseptable an pagputik sa nagkapirang situwasyon. Ipinapaliwanag kan magasin na ini an mga pakinabang kan pirmeng pagsabi kan totoo.”

Awake! Pebrero

“An mga aktitud sa relihion garo baga nagbabago sa nagkapirang komunidad. Sa paghona daw nindo nawawara na kan mga iglesia an saindang impluwensia? [Pasimbagon.] An mga tataramon na ini ni apostol Pablo nagtatao nin dahelan kun taano an nagkapira ta nawaran nin kompiansa sa relihion. [Basahon sa Gibo 20:29, 30.] Ipinapaheling kan magasin na ini an sinasabi kan Biblia manongod sa ngapit kan Kristianismo.”