Kun Ano an Sasabihon Manongod sa mga Magasin

An Torrengbantayan Ene. 15

“Huli sa gabos na nangyaring pagpabolos nin dugo, sa paghona daw nindo nadaog na kan karatan an karahayan? [Pasimbagon.] Mangnoha an sinasabi kan Biblia manongod sa Dios. [Basahon an Salmo 83:18b.] Mantang an Dios an Kaharohalangkawe sa bilog na daga, talaga daw na manggagana an karatan? [Pasimbagon.] An isyung ini kan An Torrengbantayan nagtatao nin nakakokontentong simbag sa hapot na iyan.”

Awake! Ene. 22

“Orog kasuarin man kaidto, namemeligro an satong seguridad. An sarong nag-oorog na kinahahaditan iyo an inaapod na identity theft. Nadangog na daw nindo iyan? [Pasimbagon.] Nanunuga an Biblia na maabot an aldaw mawawara na sa dagang ini an gabos na peligro sa satong seguridad. [Basahon an Isaias 11:9.] Ipinaliliwanag kan magasin na ini kun paano ini gigibohon.”

An Torrengbantayan Peb. 1

“Dakol ngonyan an nahahadit manongod sa kadaihan nin trabaho, asin an iba nag-aagi nin dakulaon na pangigipit sa trabaho. Sa paghona daw nindo posibleng mamatean an kaogmahan asin seguridad sa trabaho? [Pasimbagon. Dangan basahon an Isaias 65:21-​23.] An isyung ini kan An Torrengbantayan tinotokar an panahon na an gabos magkakaigwa nin trabaho na nakakokontento.”

Awake! Peb. 8

“An isyung ini kan Awake! nagbabareta manongod sa sarong makaturotristeng katunayan sa satong mga panahon​​—an prostitusyon nin aki. An makamomondong marhay na klaseng ini nin pagmaltrato sa aki sarong bagay na ipinanunuga kan Biblia na matatapos sa dai na mahahaloy. [Basahon an Talinhaga 2:​21, 22.] Ipinaheheling kan magasin na ini kun ano an nasa likod nin siring na pan-aaprobetsar sa mga aki saka kun paano iyan popondohon.”