Kun Ano an Sasabihon Manongod sa mga Magasin

An Torrengbantayan Ene. 15

“Dakol na tawo an naggagamit nin mga imahen sa pagsamba ninda. Sa paghona daw nindo igwa nin kapangyarihan na magligtas an siring na mga bagay? [Pasimbagon.] Mangnoha tabi an gigibohon kan tunay na Dios para sa sato. [Basahon an Kapahayagan 21:​3, 4.] Solamente an Dios na tunay an makagigibo kaiyan. Ipinaheheling kan magasin na ini kun siisay sia asin kun paano kita makikinabang sa pagtitiwala niato sa saiya.”

Awake! Ene. 22

“Tibaad ipasipara na sana niato na igwa kita nin harong. Alagad an minilyon na dulag sa bilog na kinaban naglalagawlagaw na daing maginibo, na dai noarin man nakukua an katiwasayan na hinahanap ninda. Sinisiyasat kan Awake! kun taano an problemang ini ta nag-eeksister siring man an panuga kan Biblia na sa maabot na panahon an gabos magkakaigwa nin sadiring harong.”

An Torrengbantayan Peb. 1

“Dakol an napupurisaw manongod sa polusyon kan palibot. Alagad napag-isip-isip na daw nindo an manongod sa polusyon kan isip? [Pasimbagon.] Idinodoon kan Biblia an importansia nin pagigin malinig sa pisikal sagkod espirituwal. [Basahon an 2 Corinto 7:1.] Segurado akong manonompongan nindo an impormasyon na ini na nakatatabang asin praktikal.”

Awake! Peb. 8

“Daing duda na naheling na nindo na minsan ngani an mga pag-agoman sa parate minapoon na magayagaya, dakol an nagbubulag. Gusto kong iwalat sa saindo an luwas na ini kan Awake!, ta tinotokar kaiyan an pagmansay kan Biblia kun paano gigibohon na nagdadanay asin maogma an pag-agoman.”