Kun Ano an Sasabihon Manongod sa mga Magasin

An Torrengbantayan Enero 15

“Kan nakaagi pa sanang mga taon, nagkaigwa nin nag-oorog na interes sa mga anghel. Napag-isip-isip na daw nindo kun siisay sinda asin kun paano sinda nakakaapektar sa satong buhay? [Pasimbagon. Dangan basahon an Salmo 34:7.] Ipinapaliwanag kan magasin na ini an sinasabi kan Biblia manongod sa mga aktibidad kan mga anghel—kan nakaagi, sa presente, asin sa ngapit.”

Awake! Enero

“May makukuang sadol ngonyan manongod sa haros gabos na tema. Sa paghona nindo, gurano daw kadakol kaiyan an mapapanarigan niato? [Pasimbagon. Dangan basahon an 2 Timoteo 3:16.] Ipinapaheling kan isyung ini kan Awake! kun taano ta makakaasa kita sa Biblia bilang masasarigan na gikanan nin praktikal na kadonongan.” Itampok an artikulo na nagpoon sa pahina 18.

An Torrengbantayan Pebrero 1

“Kita gabos nagkakaipo nin kuarta tanganing mabuhay. Alagad maoyon daw kamo na kaipuhan na magmaan sa peligro na nasambitan digdi? [Basahon an 1 Timoteo 6:10, asin pasimbagon.] Tinatabangan kita kan isyung ini kan An Torrengbantayan na maaraman an nagkapira sa lakop na natatagong mga peligro nin kaginhawahan sa materyal asin tinotokar kaiyan kun paano makakalikay dian.”

Awake! Pebrero

“Dakol sa sato na igwa nin may edad nang mga paryente asin katood an nag-iisip-isip kun paano niato matatabangan sinda na makaya an mga kadepisilan na konektado sa paggurang. Totoo daw iyan? [Pasimbagon.] An magasin na ini nagsusuherir nin mga bagay na puede niatong gibohon tangani na magin mas madaling atubangon an paggurang. Ipinapaliwanag man kaiyan kun paano maootob an hulang ini.” Basahon an Job 33:25.