Kun Ano an Sasabihon Manongod sa mga Magasin

An Torrengbantayan Peb. 15

“Dakol an napupurisaw huli sa maraot na mga bagay na ginibo sa ngaran nin relihion. May mga naniniwala na an relihion an pinakadahelan kan mga problema nin katawohan. Napaghorophorop na daw nindo an manongod digdi? [Pasimbagon. Dangan basahon an Kapahayagan 18:24.] Sinisiyasat kan magasin na ini an sinasabi kan Biblia manongod sa temang ini.”

Awake! Peb. 22

“Dakol an ikinaoogmang marhay an pag-adal manongod sa mga hayop, asin may mga ikinaoogma an pag-ataman kaiyan. [Pakomentohon.] Tinotokar kan magasin na ini an nagkapira sa mga kadepisilan sa pag-ataman nin hayop. Ipinaliliwanag man kaiyan an panuga nin Dios na sarong panahon an gabos na hayop magigin matoninong na sa lambang saro asin sa katawohan.” Basahon an Isaias 11:​6-9.

An Torrengbantayan Mar. 1

“Sarong beses, hinapot si Jesu-Cristo: ‘Arin na togon an enot sa gabos?’ Mangnoha an simbag nia. [Basahon an Marcos 12:​29, 30.] Napaghorophorop na daw nindo an boot sabihon ni Jesus? [Pasimbagon.] An artikulong ‘Kun Paano Niato Ipinaheheling an Satong Pagkamoot sa Dios’ nagsisiyasat kan kahulogan kan bantog na mga tataramon na iyan.”

Awake! Mar. 8

“May panahon kaidto na dakol an nabubuhay na may pagkatakot sa sarong nuklear na guerra. Sa paghona daw nindo may posibilidad na mangyari an nuklear na guerra ngonyan? [Pasimbagon.] Sinisiyasat kan magasin na ini an mga pangyayari sa presente na interesado kita gabos. Ipinaliliwanag man kaiyan an panuga kan Biblia na sarong kinaban na mayo na nin pagkatakot.” Basahon an Sofonias 3:13.