Kun Ano an Sasabihon Manongod sa mga Magasin

An Torrengbantayan Peb. 15

“Kun beses, may mga nababaretaan kita na nagsasabing igwa nin nangyaring sarong milagro. [Sambiton an sarong halimbawa.] Pinapaniwalaan nin nagkapira an mga baretang ini. An iba nagdududa. Sinisiyasat kan magasin na ini kun baga talagang nangyari an mga milagrong napabareta sa Biblia asin kun baga an siring na mga bagay nangyayari ngonyan.” Basahon an Jeremias 32:21.

Awake! Peb. 22

“Kan suanoy na mga panahon, pinagbotan nin Dios an mga aki na magtaong onra sa saindang ina siring man sa saindang ama. [Basahon an Exodo 20:12.] Sa paghona daw nindo an mga ina tamang natatawan nin onra ngonyan? [Pasimbagon.] Sinisiyasat kan magasin na ini an mga kadepisilan na napapaatubang sa mga ina sa manlaenlaen na nasyon asin kun paano ninda inaatubang an mga kadepisilan na iyan.”

An Torrengbantayan Mar. 1

“Sa paghona daw nindo magigin mas marahay na lugar an kinaban kun an gabos nag-aaplikar kan sadol na ini? [Basahon an Roma 12:17, 18. Dangan pasimbagon.] Makamomondo, kun beses nagkakaigwa nin personal na dai pagkaintindihan. Ipinapaheling kan magasin na ini kun paano makakatabang sa sato an pag-aplikar kan hatol sa Biblia na resolberan an iriwal asin ikabalik an katoninongan.”

Awake! Mar. 8

“Kada taon, nadadagdagan an pangangaipo sa enerhiya. Maiimahinar daw nindo kun ano an mangyayari kun sarong aldaw maubos na an enerhiya na kaipuhan niato? [Pasimbagon.] Tinotokar kan magasin na ini an pag-oswag na nagibo na sa pagprodusir nin mas malinig na pagkukuanan nin enerhiya. Ipinapamidbid man kaiyan an Gikanan nin gabos na enerhiya.” Basahon an Isaias 40:26.