Magsongko Tabi Tolos-tolos

Magsongko tolos-tolos kiisay? Sa mga naghahagad nin literatura o na regular na hatodan nin magasin o gustong dalawon sinda nin sarong Saksi sa harong ninda. Saen hale an mga kahagadan na ini? Sa mga indibiduwal na nagkokontak sa sangang opisina paagi sa koreo o telepono o paagi sa satong opisyal na Web site sa Internet. Kun nagpapaheling nin siring na interes, pinapaisi kan sangang opisina an lokal na kongregasyon paagi sa pormang S-70, na sarong papeleta na may titulong “Please Arrange for a Qualified Publisher to Call on This Person.” Kun makaresibi an kamagurangan nin pormang S-70, maninigo na tolos-tolos nindang itao iyan sa sarong parahayag na mahigos na makultibar kan interes. Kun nadedepisilan an parahayag na manompongan an tawo sa harong, puedeng pagmaigotan kan parahayag na kontakon sia paagi sa telepono o mataktikang magwalat nin halipot na surat. Kun hagadon sa saindo na gumibo nin siring na pagsongko, gibohon tabi an gabos na paghihingoa na makontak tolos-tolos an interesado.