Hapot

◼ Sairisay an maninigong magsurat nin impormasyon sa mga kupon asin Internet request?

Sa parate an mga publikasyon niato igwa nin kupon na puedeng suratan nin impormasyon asin ipadara sa sangang opisina tanganing maghagad nin literatura o magpadalaw sa mga Saksi ni Jehova. Dugang pa, puedeng gamiton an Web site niato na www.watchtower.org tanganing maghagad nin pag-adal sa Biblia. An mga probisyon na ini nakakatabang sa dakol na manodan an katotoohan. Minsan siring, nagkakaigwa nin mga problema kun ginagamit nin mga parahayag an mga kasangkapan na ini tanganing iareglo na matabangan sa espirituwal na paagi an saindang mga paryente o an iba.

Nagreklamo an nagkapira na pinadarahan kan sangang opisina nin literatura na dai man ninda hinagad, huling an pagmate ninda riniribok sinda kan organisasyon asin na sinda garo baga nasa sarong listahan nin mga papadarahan. An mga parahayag na inasignaran na magdalaw sa saro na dai man personalmenteng nagpabisita, namugtak sa alanganon na situwasyon kan nairitar an tawong iyan. Kaya, an mga request na ipinapadara paagi sa satong Web site o mga kupon maninigo na hale sa mga interesado mismo asin bakong hale sa mga parahayag na nagpadara kaiyan para sa iba. Kun marisa na an siring na mga request ipinadara para sa ibang tawo, sa pangkagabsan dai iyan aasikasohon.

Kun siring, paano niato matatabangan sa espirituwal na paagi an sarong paryente o kamidbid? Kun gusto nindo siang tawan nin literatura, taano ta dai sia direktang padarahan kaiyan bilang regalo? Kun nagpaheling sia nin interes asin gustong magpadalaw sa mga Saksi alagad dai nindo aram kun paano kokontakon an mga elder sa lokal na kongregasyon, maninigo kamong magsumitir nin pormang Please Follow Up (S-43) sa sekretaryo kan saindong kongregasyon, na marepaso asin mapadara kaiyan sa sangang opisina. Minsan siring, kun an interesado nasa presohan, bilanggoan, pasilidad para sa mga nag-aabuso nin droga o alkohol, o nasa mental hospital, dai nindo maninigong kontakon an sangang opisina para sa saiya. Imbes puede nindo siang dagkahon na kontakon an mga tugang na nagdadalaw sa pasilidad o personal na magsurat sa sangang opisina.