Asikasuhon Tulos an Interesado

Puon kan maisapubliko an satong Web site na may bagong disenyo, duminakul na marhay an mga nag-request nin pag-adal sa Bibliya online. Dakul man an nagre-request dahil sa bagong mga pamamaagi nin pagpapatotoo sa publiko. Inaasikaso tulos ini kan sangang opisina. Halimbawa, kun may mag-request sa jw.org, sa parati ipinapaaram iyan kan sangang opisina pakalihis sana nin duwang aldaw sa mga elder na an teritoryo sakop an lugar kun sain nakaistar an interesado. Pero, ipinapahiling kan mga report hali sa langtad na an ibang nag-request nin pag-adal sa Bibliya pirang semana na, dai pa nadudumanan. Paano ta masisigurado na matatabangan sinda bago pa mawara an saindang interes?​—Mar. 4:14, 15.

Kun bako sa teritoryo nindo nakaistar an interesado, tulos-tulos na isurat sa Please Follow Up (S-43) form an kinakaipuhan na impormasyon dangan itao iyan sa saindong sekretaryo sa sunod nindong pagtiripon. Kaipuhan niyang itao iyan sa angay na kongregasyon o ipadara sa sangang opisina gamit an Congregation tab sa jw.org sa laog nin saro o duwang aldaw. Dapat na regular na i-check kan mga elder an Web site. Kun maaraman nindang may dudumanan na interesado, kaipuhan nindang asikasuhon tulos iyan. An siisay man na inasignaran na dumanan an interesado dapat na ipriyoridad iyan. Kun mayo ini sa harong, puwede siyang magwalat nin surat na yaon an impormasyon kun paano siya makokontak.