Kun Paano Gagamiton an Pormang Please Follow Up (S-43)
An pormang ini maninigong gamiton kun kamo makanompong nin interesadong tawo na bakong sa teritoryo nindo nakaistar o iba an lenguahe. Minsan ngani kan nakaagi ginagamit niato ini kun kita nakakanompong nin tawo na iba an lenguahe baga man sia magpaheling nin interes o dai, ngonyan gagamiton na sana niato ini kun an tawo magpaheling nin interes. An eksepsion sana iyo na kun an tawo pula (deaf). Kun makanompong kita nin pula, maninigong isurat niato an impormasyon sa pormang S-43 baga man sia magpaheling nin interes o dai.
Ano an maninigo niatong gibohon sa porma pagkatapos na ini masuratan nin impormasyon? Maninigo niato ining itao sa sekretaryo kan kongregasyon. Kun aram nia kun saen na kongregasyon ini ipapadara, puede niang ipadara na sana ini sa kamagurangan kan kongregasyon na iyan tanganing ikaareglo ninda an pag-asikaso sa interesado. Kun dai nia aram an kongregasyon, ipapadara nia an porma sa sangang opisina.
Kun an interesadong tawo iba an lenguahe asin nakaistar sa teritoryo nindo, puede nindong padagos siang dalawon tanganing mapatalubo an interes sagkod na sia makaolay nin parahayag hale sa kongregasyon na naggagamit kan lenguaheng iyan.—Helingon an Nobyembre 2009 na An Satong Ministeryo sa Kahadean, pahina 4.