Kun Ano an Sasabihon Manongod sa mga Magasin

An Torrengbantayan Dis. 15

“Sa panahon na ini kan taon, dakol an nag-iisip-isip manongod sa pagkamundag ni Jesus. Napaghorophorop na daw nindo kun sa anong klaseng pamilya sia nagdakula? [Pasimbagon. Dangan basahon an Lucas 2:​51, 52.] Tinotokar kan isyung ini kan An Torrengbantayan an praktikal na mga leksion na manonodan niato sa rekord kan Biblia manongod sa pagpadakula ki Jesus.”

Awake! Dis. 22

“Kita gabos nagmamawot na maheling an satong mga aki na namumuhay nin maogma asin mapanggana. Ano sa paghona nindo an kaipuhan na marhay nin mga aki tangani na makayang atubangon an nakakatension na kinaban ngonyan? [Pasimbagon. Dangan basahon an Talinhaga 22:6.] Tinotokar kan isyung ini kan Awake! kun ano an kaipuhan nin mga aki asin kun paano ikatatao nin mga magurang an mga pangangaipong ini.”

An Torrengbantayan Ene. 1

“Dakol an naghihimuyawot nin katoninongan sa daga. Sa paghona daw nindo maheheling pa niato an pagkaotob kan mga tataramon na ini? [Basahon an Salmo 46:9. Dangan pasimbagon.] Tinotokar kan isyung ini kan An Torrengbantayan kun paano ini gigibohon asin kun taano ta makakokompiar kita sa panuga nin Dios na sarong kinaban na mayo na nin guerra.”

Awake! Ene. 8

“Sa bilog na kinaban, minilyon an nagsasakit nin makuri huli sa kamatean sa isip, arog nin depresyon. May odok na pagmakolog an satong Kaglalang sa siring na mga tawo. [Basahon an Salmo 34:18.] Tinotokar kan magasin na ini kun paano matatabangan an mga apektado kaiyan. Sinasabi man kaiyan an panuga kan Biblia na sa dai na mahahaloy hahaleon na an gabos na helang.”