Kun Ano an Sasabihon Manongod sa mga Magasin

An Torrengbantayan Dis. 15

“Sa panahon na ini kan taon, dakol an naghohorophorop manongod sa iinanunsiar kan mga anghel pagkamundag ni Jesus. [Basahon an Lucas 2:14.] Sa paghona daw nindo talagang mangyayari an katoninongan sa daga? [Pasimbagon.] Tinotokar kan magasin na ini kun paano itatao ni Jesus sa dai na mahahaloy an tunay na katoninongan sa daga.”

Awake! Dis.

“Igwa nin magkakakontrang opinyon an mga relihion mapadapit sa paggamit nin mga inomon na de alkohol. Ano daw sa paghona nindo an saboot nin Dios manongod sa paggamit kaiyan? [Pasimbagon.] Minsan ngani an enot na milagro ni Jesus iyo an paggibo kan tubig na magin arak, itinatao man kan Biblia an patanid na ini. [Basahon an Talinhaga 20:1.] Ipinapaliwanag kan artikulong ini an timbang na punto de vista kan Biblia manongod sa bagay na iyan.” Itampok an artikulo na nagpoon sa pahina 18.

An Torrengbantayan Ene. 1

“Sa paghona daw nindo puedeng sokolon an kapangganahan nin sarong tawo paagi sa kadakolan kan kayamanan na sadiri nia? [Pasimbagon. Dangan basahon an 1 Timoteo 6:9, 10.] Minsan ngani dai man kinokondenar kan Biblia an kuarta, iyan nagsasabi na an tunay na kapangganahan dai minadepende sa kayamanan. Ipinapaliwanag iyan kan magasin na ini.”

Awake! Ene.

“Sa paghona daw nindo maheheling pa niato an kaotoban kaini? [Basahon an Isaias 33:24. Dangan pasimbagon.] Ipinapaliwanag kan magasin na ini kun ano an ginigibo kan siensia medikal asin kun paano maootob an panuga kan Biblia.”