Kun Ano an Sasabihon Manongod sa mga Magasin

An Torrengbantayan Dis. 15

“Sa panahon na ini kan taon, dakol an nag-iisip-isip manongod sa pagkamundag ni Jesus. Aram daw nindo na igwa nin mahalagang mga leksion na manonodan niato sa pagkasaysay kan Biblia manongod sa pagkamundag nia? [Pasimbagon. Dangan itokdo an pahina 5, asin basahon an 2 Timoteo 3:16.] Tinotokar kan isyung ini kan An Torrengbantayan an nagkapira sa mga leksion na ini.”

Awake! Dis. 22

“Sa paghona daw nindo igwa nin dahelan an mga magurang na mahadit manongod sa kun paano nakaaapektar sa saindang mga aki an madahas na aling-alingan ngonyan? [Pasimbagon.] Dakol na magurang an naggagamit kan tekstong ini sa Biblia bilang giya. [Basahon an Salmo 11:5.] An isyung ini kan Awake! nakakatabang sa mga pamilya na siyasaton an mga peligro na kalabot sa elektronikong mga kawat.”

An Torrengbantayan Ene. 1

“Kun an mga tawo magadanan nin namomotan o naghehelang, sinda parateng nag-iisip-isip, ‘Taano daw ta tinotogotan ini nin Dios?’ Tibaad ihinapot naman nindo iyan. Ipinaheheling kan Biblia na an Dios may empatiya sa mga nagdudusa. [Basahon an Isaias 63:9a.] Ipinaliliwanag kan magasin na ini kun taano ta makasesegurado kita na tataposon nin Dios an pagdusa.”

Awake! Ene. 8

“Sa paghona daw nindo maninigo na olangon nin gobyerno an katalingkasan sa pagtaram? [Pasimbagon.] Kumusta kun kalabot sa pagtaram an pakikipag-olay sa iba manongod sa relihion, siring kan mababasa niato digdi? [Basahon an Gibo 28:​30, 31.] Kasuarin pa sana, an hapot na ini dinara sa Korte Suprema kan E.U. Imbitado kamo na basahon an manongod dian sa isyung ini kan Awake!”