Kun Ano an Sasabihon Manongod sa mga Magasin

An Torrengbantayan Disyembre 15

“Durante kan panahon nin Pasko asin Bagong Taon, dakol an nagmamaigot na magpaheling nin kabootan asin pagmalasakit. Sa paghona daw nindo magigin mas marahay na lugar an kinaban kun an mga tawo nagpapaheling nin pagmalasakit sa bilog na taon? [Pasimbagon. Dangan basahon an 1 Pedro 3:8.] Ipinapaliwanag kan magasin na ini an kahalagahan nin pagmalasakit asin sinasambit kaini an nagkapirang praktikal na paagi kun paano niato ikakapaheling iyan.”

Awake! Disyembre

“Sa paghona daw nindo mabubuhay giraray an satong nagadan na mga namomotan? [Pasimbagon.] An Biblia nagsasabi na igwa nin dalan na luluwasan hale sa kagadanan. [Basahon an Salmo 68:20.] Ipinapaheling kan magasin na ini kun taano ta dai niato kaipuhan na katakotan an kagadanan bilang an permanenteng katapusan nin buhay.”

An Torrengbantayan Enero 1

“Dakol na tawo an namimibi na logod dumatong an Kahadean nin Dios. Halimbawa, mangnoha an bantog na pamibing ini na itinokdo ni Jesus sa saiyang mga parasunod. [Basahon an Mateo 6:9, 10.] Napag-isip-isip na daw nindo kun ano an Kahadean asin kun noarin iyan madatong? [Pasimbagon.] Ipinapaheling kan magasin na ini kun ano an sinasabi kan Biblia dapit sa bagay na iyan.”

Awake! Enero

“Sa bilog na kasaysayan an mga babae apektadong gayo nin pagpalaenlaen asin kadahasan. Ano sa paghona nindo an dahelan kaiyan? [Pasimbagon.] Mangnoha kun paano nagtatao nin instruksion an Biblia sa mga agom na lalaki kun paano tatrataron an saindang agom. [Basahon an 1 Pedro 3:7.] Ipinapaheling kan magasin na ini basado sa Biblia kun paano minamansay nin Dios asin ni Cristo an mga babae.”