Kun Ano an Sasabihon Manongod sa mga Magasin

An Torrengbantayan Mar. 15

“Boot mi kamong imbitaran sa selebrasyon kan Pamanggihan nin Kagurangnan sa Domingo, Abril 4. [Ipaliwanag na ginagamit an huring pahina kan magasin o imprentadong imbitasyon para sa Memorial. Dangan basahon an Lucas 22:19.] An enot na mga artikulo sa isyung ini kan An Torrengbantayan nagtotokar kan kahulogan kan pangyayaring ini asin kun paano iyan sineselebrar.”

Awake! Mar. 22

Pakatapos na sambiton an sarong makaturotristeng pangyayari na nasa isip nin mga tawo, ihapot: “Napaghorophorop na daw nindo kun taano ta itinotogot nin Dios na mangyari an siring na mga bagay? [Pasimbagon. Dangan basahon an Santiago 1:13.] An artikulong ini, na isinurat nangorogna para sa mga hoben, nagpapaliwanag kun taano an satong mamomoton na Kaglalang ta dai pa nag-iinterbenir tangani na taposon an pagdusa nin tawo.”

An Torrengbantayan Abr. 1

“Pira sanang halipot na kotasyon an nakapukaw nin grabeng pagbanabana na siring kan misteryosong deskripsion kan Biblia manongod sa tanda kan hayop. Nadangog na daw nindo iyan? [Pasimbagon. Dangan basahon an Kapahayagan 13:16-​18.] Itinatao kan Biblia mismo an mga paagi tangani na mahayag an kahulogan kan misteryong ini. Ipinaliliwanag kan magasin na ini kun ano iyan.”

Awake! Abr. 8

“An kadaklan pamilyar sa estorya nin buhay ni Moises. Alagad aram daw nindo na may sinabi si Moises na nakaaapektar sa satong buhay ngonyan? [Pasimbagon. Dangan basahon an Deuteronomio 18:15.] Tinotokar kan isyung ini kan Awake! kun siisay an propetang iyan asin kun ano an gigibohon nia para sa kapakinabangan nin katawohan.”