Kun Ano an Sasabihon Manongod sa mga Magasin

An Torrengbantayan Set. 15

“An mga tawo sa bilog na daga nakadangog na manongod ki Jesu-Cristo. An iba nagsasabi na saro sana siang ordinaryong tawo. An iba sinasamba sia bilang Makakamhan sa Gabos na Dios. Siisay daw sa paghona nindo si Jesu-Cristo? [Pasimbagon.] Ipinapaliwanag nanggad kan magasin na ini kun siisay sia, kun saen sia hale, asin kun haen na sia ngonyan.” Basahon an Juan 17:3.

Awake! Set. 22

“Dakol na tawo an dai kayang magkaigwa nin disenteng lugar na maiistaran. Sa paghona daw nindo maabot an panahon na magkakaigwa na nin bastanteng istaran para sa gabos? [Pasimbagon.] Itinatampok kan Awake! na ini an pinakabagong impormasyon manongod sa problema sa maiistaran. Ipinapaheling man kaiyan kun taano ta makakapagkompiar kita na maootob an panugang ini nin Dios.” Basahon an Isaias 65:21, 22.

An Torrengbantayan Okt. 1

Basahon an hapot sa tutob. Dangan maghapot: “Aram daw nindo kun arin na tanda an sinasabi digdi? [Pasimbagon. Dangan basahon an Mateo 24:3.] Tinotokar kan isyung ini kan An Torrengbantayan an limang mayor na elemento kan tanda asin ipinapaliwanag kun taano ta kaipuhan niatong risahon iyan.” Ipaheling an kahon sa pahina 6.

Awake! Okt. 8

“An pag-abuso sa inomon na de alkohol nagigin dahelan nin dai mabilang na problema. Ipinapaheling kan magasin na ini an nagigin epekto kan alkohol sa hawak. [Ipaheling an retrato sa pahina 7.] Tinotokar kan mga artikulong ini kun paano makakabutas an mga tawo sa pag-abuso sa inomon na de alkohol asin kun ano an magigibo nin iba tangani na makatabang.”