Kun Ano an Sasabihon Manongod sa mga Magasin

An Torrengbantayan Set. 15

“Minilyon an naniniwala na an ‘mga santo’ igwa nin espesyal na kapangyarihan asin na may bentaha an pamimibi paagi sa sainda. Ano sa paghona nindo? [Pasimbagon.] Mangnoha tabi an sinabi ni Jesu-Cristo. [Basahon an Juan 14:6.] Huli kaini nag-iisip-isip an nagkapira manongod sa pamimibi paagi sa ‘mga santo.’ Tinotokar kan isyung ini kan An Torrengbantayan an importanteng temang iyan.”

Awake! Set. 22

“Dakol ngonyan an nahahadit manongod sa terorismo, kaiba na an paggamit nin biolohikong mga armas. Sa paghona daw nindo kayang haleon kan mga gobyerno nin tawo sa kinaban na ini an terorismo? [Pasimbagon.] Ipinaheheling kan Biblia kun ano an intension nin Dios na gibohon. [Basahon an Ezequiel 34:28.] Sinisiyasat kan magasin na ini na Awake! an nagkapira sa mga isyung kalabot.”

An Torrengbantayan Okt. 1

“Dakol an nag-iisip-isip kun baga matatapos pa an gabos na problema na naheheling ta sa palibot niato​​—mga guerra, krimen, asin mga gibo nin terorismo. Ano sa paghona nindo? [Pasimbagon.] Itinatao kan Biblia an nakararangang garantiyang ini. [Basahon an Salmo 37:​10, 11.] Ipinaliliwanag kan magasin na ini kun taano ta dai pa tinatapos nin Dios an karatan asin an pagdusa na resulta kaiyan.”

Awake! Okt. 8

“Ngonyan igwa nin garo baga pambihirang pagdakol nin mga pamilyang nagsosolo an magurang. Ipinaheheling kan Biblia na an satong Kaglalang may pagkaludok sa sainda. [Basahon an Salmo 146:9.] Ipinaheheling kan isyung ini kan Awake! kun paano makakatabang an mga prinsipyo sa Biblia sa nagsosolong mga magurang na mapangganang padakulaon an saindang mga aki.”