Kun Ano an Sasabihon Manongod sa mga Magasin

An Torrengbantayan Set. 15

Sambiton an sarong presenteng bareta na ikinakapurisaw sa lokal. Dangan ihapot: “Sa paghona daw nindo ilinaladawan nin tama kan bersikulong ini sa Biblia an mga panahon na kinabubuhayan niato? [Basahon an 2 Timoteo 3:1, asin pasimbagon.] Sinisiyasat kan artikulong ini an ebidensia na kita nabubuhay na sa huring mga aldaw asin ipinapaheling kun ano an maninigo niatong gibohon.”

Awake! Set.

“Dakol an naniniwala na kita linalang. An iba naniniwala na kita nag-ebolusyon. Igwa daw kamo nin opinyon manongod digdi? [Pasimbagon.] Mangnohon an suhestion na ini tanganing tabangan kita na makua an tamang konklusyon. [Basahon an Job 12:7, 8.] Tinotokar kan espesyal na isyung ini kan Awake! kun ano an puede niatong manodan sa kadonongan asin disenyo na risang-risa sa naturalesa.”

An Torrengbantayan Okt. 1

“Hinihingoa kan mga biologo na haleon an helang asin palawigon an buhay niato. Sa paghona daw nindo magigin posible na mabuhay sagkod lamang pag-abot nin panahon? [Pasimbagon.] Mangnohon an dahelan kun taano ta minamawot niato na mabuhay nin mas halawig. [Basahon an Eclesiastes 3:11.] Ipinapaliwanag kan magasin na ini kun taano ta linalang kita nin Dios na may pagmawot na mabuhay sagkod lamang.”

Awake! Okt.

“Haros gabos ikinakaogma an pagdalan nin telebisyon. Alagad, sa paghona daw nindo maninigo kitang magin mapamili sa kun ano an dinadalan niato? [Pasimbagon. Dangan basahon an Talinhaga 13:20.] Tinotokar kan magasin na ini kun paano nakakaimpluwensia sa sato an telebisyon, asin nagtatao iyan nin mga suhestion kun paano niato kokontrolon an satong pagdalan.”