Kun Ano an Sasabihon Manongod sa mga Magasin

An Torrengbantayan Setyembre 15

“Gusto kong maaraman an saindong opinyon manongod sa sinasabi digdi. [Basahon an Deuteronomio 32:4.] Napag-isip-isip na daw nindo na kun an Dios makapangyarihan sa gabos asin makatanosan, taano ta grabe an pagdusa asin karatan sa kinaban? [Pasimbagon.] Ipinapaliwanag kan magasin na ini kun taano ta tinotogotan nin Dios na magpadagos an karatan sagkod sa panahon niato.”

Awake! Setyembre

“An kadaklan sa sato nagmamawot nin marahay na salud asin halawig na buhay. Sa paghona daw nindo an pagpapadanay nin positibong punto de vista makakarahay sa satong salud? [Pasimbagon. Dangan basahon an Talinhaga 17:22.] Tinotokar kan artikulong ini kun taano ta may pakinabang na pataluboon an positibong kaisipan.” Itampok an artikulo sa pahina 26.

An Torrengbantayan Oktubre 1

“Nasabi na daw nindo sa saindong sadiri, ‘Bako kutana iyan an ginibo ko!’? [Pasimbagon.] Mangnoha kun ano an sinasabi digdi manongod sa kun taano ta kita gabos kun beses nakakagibo nin mga pagpili na pinagbabasolan niato sa huri. [Basahon an Jeremias 10:23.] Ipinapaliwanag kan magasin na ini kun paano an praktikal na sadol na manonompongan sa Biblia nakakatabang sa sato na gumibo nin marahay na mga pagpili.”

Awake! Oktubre

“Sa paghona daw nindo mas peligroso para sa mga aki an panahon ngonyan kisa kan nakaagi? [Pasimbagon.] Dakol an naniniwala na nabubuhay na kita sa panahon na ilinadawan digdi. [Basahon an 2 Timoteo 3:1-5.] An magasin na ini nagtatao nin nagkapirang praktikal na suhestion kun paano mapoprotehiran kan mga magurang an saindang mga aki sa mga nambibiktima sa seksuwal na paagi.”