Kun Ano an Sasabihon Manongod sa mga Magasin

The Watchtower Set. 1

“Sa paghona nindo, saen daw kita makakakua nin masasarigan na sadol kun napapaatubang kita sa importanteng mga desisyon? [Pasimbagon. Basahon an Talinhaga 3:5, 6.] Idinodoon kan artikulong ini na banal na kadonongan an paghorophorop sa mga resulta bago gumibo nin mga desisyon.” Itampok an artikulo sa pahina 8.

Awake! Set.

“Sa paghona nindo katuyohan daw nin Dios na magsakit an mga tawo huli sa kakulangan nin kakanon na nagpapasakit sa daga ngonyan? [Pasimbagon.] Mangnohon an saiyang katuyohan na resolberan an isyung ini. [Basahon an Salmo 72:16.] Ipinapaliwanag kan artikulong ini kun paano ibabalik nin Dios an Paraiso digdi sa daga.” Itampok an artikulo sa pahina 7.

An Torrengbantayan Okt.-Dis.

“Sa mga panahon na ini na daing kasegurohan, dakol an nahahadit manongod sa ngapit. Ano an nakakatabang sa saindo na mapagdanay an positibong paglaom sa ngapit? [Pasimbagon.] Mangnoha an panugang ini sa Biblia. [Basahon an Isaias 65:17.] An magasin na ini nagtatao nin balidong mga dahelan na magin positibo manongod sa ngapit.”

Awake! Okt.

“An Internet nagagamit sa kapakipakinabang na paagi, alagad nagtatao iyan nin daing kaagid na mga peligro sa mga aki. Sa paghona nindo, paano daw niato sinda mapoprotehiran? [Pasimbagon.] Mangnoha tabi an puntong ini. [Basahon asin iaplikar an Talinhaga 18:1.] Saro ini sa anom na prinsipyo sa Biblia na itinatampok kan artikulong ini tanganing tabangan an mga magurang na protehiran an saindang mga aki.” Itampok an artikulo sa pahina 8.