Kun Ano an Sasabihon Manongod sa mga Magasin
An Torrengbantayan Nob. 15
“Huli sa grabeng karatan sa kinaban, iniisip-isip kan nagkapira, ‘Taano ta maninigo akong maigot na maghingoa na gibohon an tama?’ Namatean na daw nindo an siring kaiyan? [Pasimbagon.] Mangnohon an mga tataramon na ini nin pagparigon sa boot. [Basahon an Talinhaga 2:21, 22.] Ipinapaliwanag kan magasin na ini an pinakamahalagang dahelan sa pagigin tanos.”
Awake! Nob.
“Nagsasaboot an nagkapira na an Dios an responsable sa gabos na bagay na nangyayari. Kun may trahedya, sinasabi ninda na seguradong igwa nin marahay na dahelan an Dios sa pagpangyari kaiyan. Ano sa paghona nindo? [Pasimbagon. Dangan basahon an Santiago 1:13.] Ipinapaheling kan magasin na ini kun ano an sinasabi kan Biblia manongod sa dahelan nin pagdusa asin kun ano an ginigibo nin Dios tanganing taposon iyan.”
An Torrengbantayan Dis. 1
“Naniniwala daw kamo na an hulang ini sa Biblia naootob ngonyan? [Basahon an Mateo 24:11. Dangan pasimbagon.] Tinotokar kan magasin na ini an nagkapirang katokdoan na nagin popular. Ipinapaheling man kaiyan kun paano niato malilikayan na madaya kan falsong mga paratokdo.”
Awake! Dis.
“Siisay an pipilion nindo bilang an pinakadakulang tawo na nabuhay kasuarin man? [Pasimbagon.] Ibinibilang kan dakol si Jesus bilang an pinakadakulang tawo. Mangnohon kun ano an gigibohon nia para sa daga bilang an Namamahala sa Kahadean nin Dios. [Ipaheling an retrato sa pahina 8-9, asin basahon an saro sa itinampok na mga teksto.] Tinotokar kan magasin na ini kun paano asin kun noarin ini ootobon ni Jesus.”