Kun Ano an Sasabihon Manongod sa mga Magasin

An Torrengbantayan Nobyembre 15

“Gusto niato gabos na magkaigwa nin maogma asin makahulogan na buhay. Oyon daw kamo sa sinabi ni Jesus digdi manongod sa pinakaimportanteng bagay tanganing magin maogma? [Basahon an Mateo 5:3. Dangan pasimbagon.] Ipinapaliwanag kan magasin na ini kun paano nagtatao nin kahulogan sa satong buhay an pagpanigo sa satong natural asin pundamental na pangangaipo na sumamba sa Dios.”

Awake! Nobyembre

“Sa satong panahon nin siensia asin pagkamapagduda, dakol na tawo an naniniwala na an Biblia lihis na sa panahon. Ano daw an paghona nindo manongod dian? [Pasimbagon.] Aram daw nindo na eksakto an gabos na sinasabi sa Biblia manongod sa siensia? [Basahon an Job 26:7.] An espesyal na isyung ini kan Awake! nagtatao nin mapuersang mga dahelan kun taano ta mapagtitiwalaan an Biblia.”

An Torrengbantayan Disyembre 1

“Ano an simbag nindo sa hapot na ini? [Basahon an hapot na nasa tutob. Dangan pasimbagon.] Katuyohan nin Dios na pagkasararoon an gabos na tawo. [Basahon an Salmo 46:8, 9.] Ipinapaheling kan magasin na ini an sinasabi kan Biblia kun paano makakamit an pagkasararo.”

Awake! Disyembre

“May mga naniniwala na an kagadanan pagbalyo pasiring sa buhay pagkagadan; an iba naniniwala na iyan an katapusan. Personal daw kamong naniniwala na an kagadanan sarong bagay na dapat katakotan? [Pasimbagon.] Mangnohon kun ano an namatean ni Job manongod sa posibilidad na sia magadan. [Basahon an Job 14:14, 15.] Itinatao kan magasin na ini an malinaw na paliwanag kan Biblia kun ano an nangyayari sa sato kun kita magadan.”