Kun Ano an Sasabihon Manongod sa mga Magasin

An Torrengbantayan Nob. 15

“May mga nag-isip-isip kun kaipuhan niato an mga simbahan asin templo sa pagsamba sa Dios. Ano sa paghona nindo? [Pasimbagon.] Mangnoha an sinasabi kan Biblia sa temang ini. [Basahon an Gibo 17:24.] Kun siring, sa anong katuyohan maninigong magserbi an mga lugar nin pagsamba? An magasin na ini nagtatao nin sono sa Kasuratan na simbag sa hapot na iyan.”

Awake! Nob. 22

“Naniniwala daw kamo na mahahale kan siensia an helang sa maabot na panahon? [Pasimbagon.] Sinisiyasat kan isyung ini kan Awake! an nagkapira sa mga pag-oswag na nagibo kan siensia. Ipinaheheling man kaiyan kun taano ta an Kaglalang sana an may kapangyarihan na haleon an helang asin kagadanan.” Basahon an Salmo 146:​3-5, asin ialok an mga magasin.

An Torrengbantayan Dis. 1

“Ngonyan na mga aldaw, haros gabos nasasakitan sa pagbuhay. Totoo man iyan sa mga iglesia, asin an mga paghagad nin pondo orog na nagin prosegido kasuarin man. Ikinahahadit daw nindo iyan? [Pasimbagon. Dangan basahon an 1 Tesalonica 2:9.] Tinotokar kan An Torrengbantayan an sinasabi kan Biblia manongod digdi.”

Awake! Dis. 8

“Huli sa mga huma nin terorista, dakol an nag-iisip-isip kun baga ligtas na magbiahe sa eroplano. Ikinahahadit daw nindo ini? [Pasimbagon.] Rinerekonoser kan Biblia na mayo ni saro na libre sa remalaso. [Basahon an Eclesiastes 9:11.] Minsan siring, tinotokar kan isyung ini kan Awake! kun paano nindo madudugangan an saindong pagigin ligtas sa peligro asin kaginhawahan kun kamo nagbibiahe sa eroplano.”