Kun Ano an Sasabihon Manongod sa mga Magasin

An Torrengbantayan Nob. 1

“Sa paghona daw nindo, kun iaaplikar nin mga agom na lalaki asin agom na babae an hatol na ini sa Biblia, mapapakosog an bogkos nin pag-agoman? [Basahon an Job 31:1. Dangan pasimbagon.] Ipinapaliwanag kan artikulong ini an mga prinsipyo sa Biblia na makakatabang sa mga mag-agom na mapagdanay an kapanugaan sa saindang pag-agoman.” Itampok an artikulo na nagpoon sa pahina 18.

Awake! Nob.

“An kadaklan na tawo maoyon na nakakahandal an marikas na pagdikit kan mga kayamanan kan kadagatan. Sa paghona daw nindo mapangganang masosolusyonan nin mga gobyerno nin tawo an problemang ini? [Pasimbagon. Dangan basahon an Mateo 6:10.] Sinisiyasat kan artikulong ini an nagkapira sa mga dahelan na maghadit asin idinodoon kaini an solusyon nin Dios.” Itampok an artikulo na nagpoon sa pahina 20.

An Torrengbantayan Dis. 1

“Sa panahon na ini kan taon, dakol na tawo an naghohorophorop manongod ki Jesus. Ano daw an masasabi nindong nagin impluwensia sa saindo ni Jesus? [Pasimbagon.] Dinadagka kita kan Biblia na sunodon an halimbawa ni Jesus. [Basahon an 1 Pedro 2:21.] Paagi sa paggibo kaiyan, kita magigin mas marahay asin mas maogmang tawo. Ipinapaliwanag kan magasin na ini kun taano.”

Awake! Dis.

“Sa laog nin dakol na siglo, hinohorophorop nin mga tawo an hapot na ini. [Ipaheling an hapot na nasa tutob kan magasin.] Sa paghona nindo, saen daw kita makakakua nin makahulogan na simbag? [Pasimbagon.] Mangnoha kun taano ta puede kitang maglaom sa Dios para sa simbag. [Basahon an Salmo 100:3.] Ipinapaheling kan magasin na ini kun ano an sinasabi kan Biblia manongod sa temang iyan.”