Surat Hali sa Sangang Opisina

Namomotan na mga Parahayag kan Kahadean:

Kan Pebrero 4, 2008, an enot na klase kan bagong Paadalan Para sa mga Magurang sa Kongregasyon pinonan sa Sentro nin Edukasyon sa Patterson sa Estados Unidos.

Durante kan pag-adal, ikinaogma kan nangengenot na mga paraataman an nakakapakosog na pakikiasosyar sa pamilyang Bethel. Nag-atender man sinda sa pang-agang pagsamba aroaldaw, saka sa Pag-adal sa Torrengbantayan kan pamilyang Bethel kan Lunes na banggi. An tampok na kabtang kan paadalan nangyari sa ultimong aldaw kan klase kan an sarong miembro kan Komite kan Sangang Opisina sa Estados Unidos asin an sarong miembro kan Namamahalang Grupo magtao nin espesyal na mga diskurso.

Dakol na kapahayagan nin pag-apresyar an inako hale sa kamagurangan na nag-adal. Sarong tugang an nagkomento: “Nakakaparigon nanggad sa boot an pagigin nasa Bethel sa laog nin sarong semana!” Saro pang tugang an nagsurat: “Napakosog ako ngonyan na otobon an sakong mga paninimbagan na may bagong pakamate nin kaigotan.” Kaiba sa presenteng kurikulum an manlaenlaen na aspekto kan mga paninimbagan nin nangengenot na mga paraataman asin makakatabang sa sainda an kurikulum na iyan na itao an mga pangangaipo kan kongregasyon sa mas epektibong paagi. (Gibo 20:28) Minsan ngani mayo pa kita kan paadalan na ini sa Pilipinas, siertong naggagayagaya kitang maaraman an manongod sa mamomoton na probisyon na ini hale ki Jehova tanganing sanayon an mga paraataman asin ipinapamibi niato na logod bendisyonan ni Jehova an masurunod na klase.

An saindong mga tugang,

Sangang Opisina kan Pilipinas