Hapot

◼ Ano an maninigo nindong gibohon kun pagbotan kamo na pumondo sa paghuhulit?

Sa nagkapirang pangyayari, an mga pulis dinolok an mga parahayag na nakikikabtang sa sarong klase kan ministeryo, sinabihan sinda na binabalga ninda an ley, asin pinagbotan sinda na pumondo. Maninigo na tolos-tolos asin magalang kamong humale sa teritoryo kun pinagbotan na gibohon iyan. (Mat. 5:41; Fil. 4:5) Dai pagprobaran na resolberan an mga bagay-bagay na kamo sana paagi sa pakipagdiskutiran manongod sa satong legal na mga deretso. Kun posible, mataktikang kuanon an numero kan tsapa kan pulis asin an numero kan saiyang presinto. Pakatapos kaiyan, tolos-tolos na impormaran an kamagurangan, na iyo an makikikomunikar sa sangang opisina manongod sa pangyayaring iyan. Siring man, kun an superintendente o siisay man na iba pang representante nin sarong edipisyong apartment o grupo nin mga edipisyong apartment magsabi na humale kamo dian, maninigo na kamo sumunod tolos-tolos asin impormaran nindo an kamagurangan. An mahoyo asin mapakumbabang pagtratar sa mga nasa autoridad dakula an magigibo tanganing malikayan an dai kinakaipuhan na mga kadepisilan.—Tal. 15:1; Roma 12:18.