Kun Ano an Sasabihon Manongod sa mga Magasin

An Torrengbantayan Oktubre-Disyembre

“Dakol ngonyan an nawaran na nin pagtubod sa Kaglalang. Ano sa paghona nindo an dahelan kaiyan? [Pasimbagon.] An tekstong ini nagtatao nin sarong posibleng dahelan. [Basahon an Habacuc 1:2, 3.) An artikulong ini nagtatabang na maresolberan an nagkapirang hapot nin dakol manongod sa Dios na nagin dahelan na mawaran nin pagtubod sa saiya an mga tawo.” Itampok an artikulo na nagpopoon sa pahina 11.

Awake! Oktubre

“Maoyon daw kamo na an mga pamilya napapaatubang sa kadakol na problema ngonyan? [Pasimbagon.] Dakol an mayong aram sa praktikal na sadol na yaon sa Biblia. Ini an sarong halimbawa. [Basahon an sarong teksto na yaon sa magasin.] Ipinapaheling kan espesyal na isyung ini kan Awake! kun paano an mga prinsipyo sa Biblia makakatabang sa mga pamilya na mapangganang maatubang an manlaenlaen na situwasyon.”

The Watchtower Nobyembre 1

“Sa paghona daw nindo hale sa Biblia an gabos na itinotokdo sa mga simbahan? [Pasimbagon.] Pinapatanidan kita kan Biblia na mag-ingat na dai madaya nin mga kaputikan. [Basahon an Colosas 2:8.] Ihinahayag kan magasin na ini an anom na kinatodan nang mga katokdoan na bakong kaoyon kan Tataramon nin Dios.”

Awake! Nobyembre

“An mga gamit na arog kan cell phone asin komputer nagin nang normal na kabtang nin buhay. Sa paghona daw nindo an paggamit nin teknolohiya nakakaekonomiya nin panahon o nakakasayang kaiyan? [Pasimbagon.] An kadaklan maoyon sa pagdagkang ini na madonong na gamiton an panahon. [Basahon an Efeso 5:15, 16.] Ipinapaliwanag kan magasin na ini kun paano niato magagamit an teknolohiya sa timbang asin makonsiderasyon na paagi.”