An Video na The Bible—Its Power in Your Life
Nakatabang an Biblia sa minilyon na tawo na mapakarhay an saindang buhay. Ano an nagkapirang prinsipyo sa Biblia na kun iaaplikar niato makakatabang sa sato na mapangganahan an mga problema sa presenteng panahon? Daing duda na maoogma kamong maaraman an simbag sa hapot na ini paagi sa pagdalan kan The Bible—Its Power in Your Life, an ikaduwa sa tolong video na yaon sa DVD na The Bible—A Book of Fact and Prophecy. Pagkadalan nindo sa video na ini, masisimbag daw nindo an mga hapot na ini?
(1) Paanong an Biblia labi pa sa sarong literaryong obra maestra? (Heb. 4:12) (2) Kun an Biblia nakakatabang sa mga tawo na mapakarhay an buhay ninda, taano ta dinadamat nin kadakol-dakol na problema an katawohan? (3) Ano an pangenot na tema kan Biblia? (4) Ano an sinambit na mga teksto sa Biblia na makakatabang sa mga mag-agom na (a) mapakarhay an saindang komunikasyon asin (b) makontrol an saindang templada kan payo? (5) Paano an Kristianong pagmansay sa relasyon nin mag-agom makakapakarhay sa buhay pampamilya? (Efe. 5:28, 29) (6) Paano si Jehova nagtao nin sangkap na halimbawa para sa mga magurang? (Mar. 1:9-11) (7) Paano magigibo nin mga magurang na magin interesante an pampamilyang pag-adal sa Biblia? (8) Apuera sa pag-adal sa Biblia, ano pa an minomotibar kan Tataramon nin Dios na itao kan mga magurang sa saindang mga aki? (9) Paano makakatabang an sadol kan Biblia na makaagwanta sa pagbuhay an mga pamilya? (10) Kun iaaplikar, anong mga prinsipyo na sono sa Kasuratan mapadapit sa kalinigan, pagdodroga saka pagpangana sa inomon na de alkohol, asin tension an makakatabang tanganing mainaan an mga problema sa salud? (11) Anong mga panuga kan Biblia an makakasustenir sa sato? (Job 33:25; Sal. 145:16) (12) Paano an mga katokdoan sa Tataramon nin Dios nakatabang na mapakarhay an saindo mismong buhay? (13) Paano nindo magagamit an video na ini tanganing matabangan an iba?