Mga Impresyon Manongod sa Video na The Bible​—Its Power in Your Life

Bilang simbag sa minasunod na mga hapot, ipahayag an odok sa pusong mga impresyon nindo manongod sa mensahe na nasa video na ini. (1a) Ano an nagtaong puersa sa minilyon na tawo na bagohon an saindang buhay na magin mas marahay? (Heb. 4:​12) (1b) Ano an kaipuhan tangani na makakua kan puersang ini asin ikaaplikar iyan sa buhay nin saro? (2) Arin na mga teksto sa Biblia an sinitar tangani na matabangan an mga mag-agom na (a) mapakarhay an saindang komunikasyon asin (b) makontrol an templada kan saindang payo? (3) Paano binabago kan Kristianong punto de vista sa pag-agom an buhay pampamilya na magin mas marahay? (Efe. 5:​28, 29) (4) Paano si Jehova Dios nagtao nin sangkap na halimbawa sa pagtao sa mga aki kan tolong bagay na gusto asin kaipuhan ninda gabos, asin paano man iyan magigibo nin mga magurang ngonyan? (Mar. 1:​9-​11) (5) Taano ta maninigong personal na tokdoan nin mga magurang an saindang mga aki sa Biblia, asin ano an nagpapaheling na kaipuhan an pagigin regular sa paggibo kaiyan? (Deut. 6:​6, 7) (6) Paano magigibo nin mga magurang na magin interesante an pampamilyang pag-adal? (7) Apuera sa pag-adal sa Biblia, ano pa an minomotibar kan Tataramon nin Dios na itao nin mga magurang sa saindang mga aki? (8) Paano makakatabang an sadol kan Biblia sa mga pamilya na makayanan an problema sa pinansial? (9) Kun iinaaplikar, anong mga prinsipyo sa Kasuratan an makakatabang na mabawasan an mga problema sa salud? (10) Paano an mga prinsipyo sa Tataramon nin Dios nagkaepekto sa saindong sadiring buhay? (11) Taano ta an pagdalan kan video na ini tibaad makaenkaminar sa saro na sinosongko nindo sa ministeryo na umako nin pag-adal sa Biblia?