Helinga an Puersa kan Biblia!

Paano? Paagi sa pagdalan sa video na The Bible​—Its Power in Your Life. Iyan an ikatolong tomo sa serye kan videocassette na may titulong The Bible​—A Book of Fact and Prophecy.

Gusto daw nindo nin mapangganang pag-agom? Kaipuhan daw nindo nin tabang tangani na makatagal sa depisil na mga panahon? Paano madakula an mga hoben na magin responsableng nasa edad na? Makatatabang an Biblia, siring kan ipinaheheling kan video na ini. Hinanyogon an mga tawong nagsasaysay dapit sa puersa sa ikararahay na nagin epekto kan Biblia sa saindang buhay. Hinanyogon sinda na nagpapaliwanag kun paano an mga prinsipyo kaiyan nakatabang sa sainda na atubangon an mga problema sa buhay sa presenteng aldaw.

An video na ini mahalagang kasangkapan sa pagtabang sa bagong mga interesado na maheling an mga pakinabang sa paggamit kan Tataramon nin Dios bilang giya sa saindang buhay. May istak an Sosyedad kan The Bible​—Its Power in Your Life. Puede kamong maghagad nin kopya paagi sa lingkod sa literatura kan kongregasyon.