Gamiton Imbes na Iistak

Dakol na kongregasyon an natitiponan nin suplay nin haloy nang mga publikasyon. Taano ta dai magkua nin mga kopya para sa saindong personal na teokratikong libreriya? Totoo, posibleng nababasa na nindo an mga laog kan nagkapira sa haloy nang mga publikasyon na ini sa Watchtower Library. Minsan siring, may mga pakinabang man an pagkaigwa nin imprentadong kopya. Kamo daw nagkokondukta nin pag-adal sa sarong progresibong tinotokdoan sa Biblia? Kun siring, dagkahon sia na magkua kan haloy nang mga publikasyon na ini asin magkaigwa na nin personal na libreriya. Maninigong siertohon kan paraataman sa Teokratikong Paadalan sa Pagmiministro na an libreriya sa Kingdom Hall igwa kan arin man na haloy nang mga publikasyon na nakaistak. Igwa pa nin halaga an mga publikasyon na ini. Mas marahay nanggad na gamiton niato iyan imbes na iistak sana sa literature counter kan kongregasyon!