“Ialok an Haloy Nang Magasin o Arin Man na Brosyur na Makakapukaw sa Interes kan Tawo”

Sa mga bulan na nag-aalok kita kan librong Itinotokdo kan Biblia asin nin pag-adal sa enot na pagdalaw, kun an kagharong igwa na kan libro asin habong mag-ako kan alok na pag-adal sa Biblia, dinadagka kita na ialok an haloy nang magasin o arin man na brosyur na makakapukaw sa interes kan tawo. Taano?

Manlaenlaen na napapanahon na tema an tinotokar sa mga brosyur asin haloy nang mga magasin. Tibaad may impormasyon sa saro sa mga publikasyon na iyan na makakataros sa puso kan kagharong. Kun siring, kun iinaandam an saindong bag na ginagamit sa paghuhulit, iiba an nagkapirang laen-laen na brosyur asin haloy nang isyu. Kun mayo kamo nin haloy nang mga magasin, tibaad makakua kamo nin nagkapira sa magazine counter. Dangan, kun an kagharong igwa na kan librong Itinotokdo kan Biblia asin habong mag-ako nin pag-adal sa Biblia, puede nindong ipaheling sa saiya an nagkapirang magasin o brosyur na dara nindo asin dagkahon sia na kuanon an interesante para sa saiya. Pagkatapos kaiyan, iareglo an pagdalaw liwat tanganing kultibaron an saiyang interes. Pag-abot nin panahon, tibaad magresulta iyan sa pag-adal sa Biblia.