Girumdomon na Gumamit nin mga Brochure

Kun nagpapatotoo sa harong-harong o sa impormal, an pag-orolay parateng minapasiring sa sarong tema na ipinaliliwanag kan saro sa satuyang magayon na mga brochure. An lambang saro nangorognang kaipuhan na isaisip ini mantang itinatampok an Torrengbantayan asin Awake! sa Mayo. Paagi sa perming pagkakaigwa nin nagkapirang manlaenlaen na brochure kaiba kan mga magasin na itatampok nindo sa ministeryo, masasangkapan kamo na ialok kun ano talaga an kinakaipuhan tanganing makatao nin epektibong pagpapatotoo. Ngonyan na Mayo, magin libreng gamiton an arin man sa mga brochure (puwera an brochure na School) kaiba an o imbes kan mga magasin na itatampok nindo.​—Ikomparar an Talinhaga 15:23.