Kumusta an Itsura Kaiyan?

Marahay iyan na ihapot dapit sa arin man na publikasyon na plano niatong ialok. An ano man na babasahon na tiriklop na an kanto kan pahina, bako nang magayon an kolor, maati, o parakit matao nin maraot na impresyon sa satong organisasyon asin puedeng irayo kaiyan an atension kan kagharong sa magayon saka nagliligtas-buhay na mensahe na yaon sa babasahon.

Paano niato mapagdadanay na areglado an satong mga babasahon? Nakatabang sa dakol an pag-organisar kan saindang bag na ginagamit sa paghuhulit, na dian pinag-iiriba ninda an magkakaparehong bagay. Halimbawa, igwa sinda nin separadong bugtakan para sa mga libro, para sa mga magasin asin brosyur, saka para sa mga tract, asin iba pa. Kada ibinabalik ninda sa saindang bag an Biblia asin an ano man na babasahon, maingat nindang ginigibo ini tanganing dai iyan maraot. Ilinalaag nin nagkapirang parahayag an saindang mga babasahon sa mga folder o silag na plastik na bag. Ano man an pamamaagi niato, habo niatong makapagtao sa saro nin lehitimong rason na tatsaran an satong ministeryo huli sa pagtao sa saiya nin may raot nang babasahon.​—2 Cor. 6:3.