Sarong Marahay na Paagi na Ikaogma an mga Awit na Pang-Kahadean

Para sa mga lingkod nin Dios, an musika sarong magayon na regalo hale ki Jehova. (Sant. 1:17) Dakol na kongregasyon an naoogmang patugtogon nin maluway an mga awit na pang-Kahadean bago asin pagkatapos nin mga pagtiripon. An pagpatugtog nin teokratikong musika sarong nakakaginhawang paagi nin pag-ako sa sato sa mga pagtiripon. Tinatabangan kita kaiyan na magin andam an isip para sa pagsamba. Saro pa, paagi sa pagpatugtog nin bagong mga awit sa satong songbook, nagigin pamilyar kita sa tono kaiyan asin natatabangan kitang kantahon iyan nin tama. An pagpatugtog nin siring na musika pagkatapos nin pagtiripon nakakatabang sa pagpakinorosogkosogan. Kun siring, an mga grupo nin kamagurangan maninigong gumibo nin angay na mga areglo na magpatugtog nin musika hale sa Sing to Jehovah​—Piano Accompaniment bago asin pagkatapos kan pagtiripon. Maninigo nindang siertohon na tama sana an volume kaiyan asin dai nakakaistorbo sa pag-orolay.