Mga Pagliliwat sa Pagtiripon sa Tahaw kan Semana

Poon sa semana nin Setyembre 3, an Pag-adal sa Biblia kan Kongregasyon magigin 30 imbes na 25 minutos. Sa introduksion kan namamayo, maninigo niang repasohon sa laog nin sarong minuto an nakaaging pinag-adalan. Liliwaton man an oras kan Pagtiripon sa Paglilingkod; iyan magigin 30 imbes na 35 minutos. Mayo na nin suway na kabtang para sa mga paisi. Imbes, an ano man na paisi maninigong itao sa kapinonan kan enot na nakaiskedyul na kabtang. Sa parate, pira sanang paisi an kaipuhan na itao, kun igwa man, asin dai na kaipuhan na sabihon kun ano an ipepresentar sa pagtiripon. Dai na maninigong iiba an mga paisi manongod sa paglilingkod sa langtad asin iskedyul sa paglinig saka pangungumusta. (km 10/08 p. 1, par. 4) Kun may halabang paisi, makakatabang kun patienot na aram iyan kan mga may kabtang sa pagtiripon tanganing pahalipoton ninda an saindang kabtang.