Young People Ask—How Can I Make Real Friends?
Dinisenyo ni Jehova an mga tawo tanganing makikomunikar asin makipagkatood. (Tal. 17:17; 18:1, 24) Tanganing an relasyon na ini magin kapakipakinabang sa lambang saro, dapat na maingat niatong pilion an satong mga katood. (Tal. 13:20) Pagkatapos na hilingon an video na Young People Ask—How Can I Make Real Friends?, masisimbag daw nindo an minasunod na mga hapot?
“Introduction”:
(1) Ano an tunay na katood?
“Roadblocks to Friendship”:
(2) Paano mapapangganahan an pakamate nin pagigin itsa-puera? (Fil. 2:4) (3) Taano ta maninigo kitang magin andam na paoswagon an personalidad niato, asin siisay an makakatabang sa sato na gibohon iyan? (2 Cor. 13:11) (4) Paano kita makakagibo nin mga oportunidad na magkaigwa nin mas dakol na katood?—2 Cor. 6:13.
“Friendship With God”:
(5) Paano kita makakapatalubo nin mas dayupot na relasyon ki Jehova, asin taano ta sulit an paghihingoa niato? (Sal. 34:8) (6) Kun si Jehova an pinakadayupot na katood niato, sairisay na tawo an puede tang magin marahay na katood?
“The Wrong Kind of Friends”:
(7) Sairisay an maraot na pag-iriba? (1 Cor. 15:33) (8) Paano an bakong marahay na mga katood puedeng magin dahilan nin espirituwal na kapahamakan nin saro?
“A Modern-Day Drama”:
(9) Ano an itinotokdo sa sato kan salaysay sa Biblia manongod ki Dina? (Gen. 34:1, 2, 7, 19) (10) Paano ipinangatanosan ni Tara an saiyang pakiibaiba sa mga hoben na bakong kapagtubod? (11) Paano isinapeligro si Tara kan mga katood nia sa eskuelahan? (12) Taano ta dai narisa kan mga magurang nia an peligrong kinamugtakan nia, pero anong atitud an ipinahiling ninda na nakatabang sa saiya na makabawi sa espirituwal? (13) Paano an sarong payunir na sister nagin tunay na amiga ni Tara? (14) Ano an narealisar ni Tara?
“Conclusion”:
(15) Anong mga leksion an nanodan mo sa videong ini? (16) Paano mo ini magagamit sa pagtabang sa iba?
Logod na pumili kita nin mga katood na makakatabang sa sato na mapagdanay an pinakanangongorog na pakikikatood—an pagigin katood nin Dios!—Sal. 15:1, 4; Isa. 41:8.