Sampol na mga Presentasyon

Para sa kampanya nin pag-imbitar sa Memoryal

“Nagdigdi kami tanganing itao sa pamilya nindo an imbitasyon na ini para sa sarong mahalagang taunan na okasyon na gigibuhon sa bilog na kinaban sa Marso 26. An petsang iyan an anibersaryo kan kagadanan ni Jesus. Magkakaigwa nin daing bayad na pahayag basado sa Bibliya, asin ipapaliwanag kun paano kita nakikinabang sa saiyang kagadanan. Mahihiling digdi sa imbitasyon an adres asin oras kan pagtiripon.”

An Torrengbantayan Marso-Abril

“Gusto ming kuanon an opinyon nindo manungod sa sarong tawo na pararehong iginagalang na marhay kan mga Kristiyano, Judio, saka Muslim. An tawong iyan iyo si Moises. Ano an inot na naiisip nindo pag nadadangog nindo an ngaran niya? [Pasimbagon.] Maski ngani may mga nagibong sala si Moises, interesante kun ano an sinasabi kan Bibliya dapit sa saiya. [Basahon an Deuteronomio 34:10-12.] Ipinapaliwanag kan magasin na ini an tulo sa marahay na mga kuwalidad niya asin kun paano ta siya maaarog.”

Awake! Marso

“Mauyon daw kamo na bakong pasil magpadakula nin mga aki sa panahon na ini? [Pasimbagon.] Dakul na magurang an nakakakua sa Bibliya nin marahay na sadol. Halimbawa, nakatabang sa mga ama an tekstong ini na humanap nin mga pagkakataon na komendaran an mga aki ninda asin tabangan na magkaigwa nin kumpiyansa sa sadiri. [Basahon an Colosas 3:21.] Ipinapaliwanag kan artikulong ini an limang pundamental na prinsipyo na makakatabang sa mga ama.”