Sampol na mga Presentasyon

Para sa Kampanya nin Pag-imbitar sa Memoryal

“Nagdidistribwir kami kan imbitasyon na ini para sa sarong mahalagang marhay na okasyon. Sa Abril 3, minilyon sa bilog na kinaban an matiripon para girumdumon an kagadanan ni Jesu-Cristo asin magdangog sa daing bayad na pahayag manungod sa kun paano kita nakikinabang sa saiyang kagadanan. Nasa imbitasyon na ini an oras asin lugar kan pagtiripon.”

An Torrengbantayan Marso-Abril

“Sa Abril 3 an anibersaryo kan kagadanan ni Jesu-Cristo. May mga matiripon sa petsang iyan para girumdumon an kagadanan ni Jesus, pero an iba dai naiisip na mahalaga iyan. Sa hiling nindo, may pakinabang daw kita sa kagadanan saka pagkabuhay liwat ni Jesus? [Pasimbagon.] Ini an sinasabi kan Tataramon nin Diyos manungod diyan. [Basahon an 1 Corinto 15:22, 26.] Ipinapaliwanag kan magasin na ini an sarong pakinabang sa atang na pantubos ni Jesus—na maabot an panahon, mayo nang magagadan.”

Awake! Marso

“May halipot kaming pagbisita digdi sa saindo para ipahiling an bagong isyu kaining Awake! [Ipahiling an cover.] May kanya-kanyang opinyon an mga tawo sa inot na hapot na ini: ‘Igwa daw nin Diyos?’ Para saimo, siisay an mas may positibong pananaw sa maabot—an mga nagtutubod sa Diyos o an mga dai? [Pasimbagon.] Ini an sarong panuga nin Diyos na nagtatao nin paglaom sa dakul. [Basahon an Salmo 37:10, 11.] May sinambit sa magasin na ini na apat na dahilan kun taano ta mahalagang aramon kun baga igwa talaga nin Diyos.”