Sampol na mga Presentasyon

Sa Pagpuon nin mga Pag-adal sa Bibliya sa Inot na Sabado nin Marso

“Igwa kaming halipot na pagdalaw huli sa sarong okasyon na gigibuhon sa Abril 14. An petsang iyan iyo an anibersaryo kan kagadanan ni Jesus. May mga maselebrar kaiyan dahil naniniwala sinda na mahalaga an saiyang kagadanan. An iba dai sigurado sa kahalagahan kaiyan. Sa paghuna nindo, makikinabang daw kita sa kagadanan ni Jesus?” Pasimbagon. Ipahiling an artikulo na “Bible Questions Answered” kan Watchtower na Marso 1, asin pag-ulayan an inot na hapot saka kisiyera saro sa sitadong mga teksto. Ialok an mga magasin, asin iareglo na pag-ulayan an sunod na hapot.

An Torrengbantayan Marso-Abril

“Ipinapakipag-ulay mi sa halipot an sarong bagay na nakakaapektar sa sato gabos—an pagkagadan nin sarong mahal sa buhay. Mauyon daw kamo na an pagkagadan nin sarong namumutan na amigo o paryente an saro sa pinakamasakit atubangon? [Pasimbagon.] Dakul an nararanga kan tekstong ini sa Bibliya. [Basahon an Isaias 25:8.] Tinutukar kan magasin na ini an nakakaparigon na panuga kan Bibliya na paghali sa kagadanan asin pagbuhay liwat sa mga mahal niyato sa buhay.”

Awake! Marso

“Nagdadalaw kami nin madali sana para linawon an salang pagsabot nin dakul manungod sa tekstong ini sa Bibliya. [Basahon an Genesis 1:1.] May mga nagtutubod kaini, na an uniberso linalang, mantang an iba dai. Kamo, ano an opinyon nindo? [Pasimbagon.] Dakul an nadidipisilan na magtubod sa paglalang huling may itinutukdo an mga lider nin relihiyon na dai man talaga sinasabi kan Bibliya. Ipinapahiling kan magasin na ini an makatanusan asin masasarigan na paliwanag kan Bibliya dapit sa kapinunan kan uniberso.”