Iduon an Pagpuon nin mga Pag-adal sa Bibliya sa Inot na Sabado

Puon kan Mayo 2011, dinagka an mga parahayag na hinguwahon na makapuon nin pag-adal sa Bibliya sa inot na Sabado kan kada bulan. Bilang tabang, regular na ilinuluwas sa pampublikong edisyon kan An Torrengbantayan an seryeng “Simbag sa mga Hapot sa Bibliya.” Kaya, sa pagtiripon bago maglingkod sa langtad sa inot na Sabado, dapat itampok kun paano ini magagamit sa pagpuon nin mga pag-adal sa Bibliya asin idemonstrar an sarong presentasyon.

Puwedeng magdesisyon an mga elder kun kanya-kanyang magtitiripon sa inot na Sabado an kada grupo sa paglilingkod, o iribang magtitiripon an gabos na grupo, na puwedeng sa Kingdom Hall. Pero, kun dakul na kongregasyon an naggagamit kan Kingdom Hall, an espesyal na aldaw na ini dai dapat ibalyo sa ibang aldaw tangani sanang iribang makapagtiripon an gabos na grupo.