Gibuhon na Nakakaugma an Panahon na Ini nin Memoryal
1. Ano an sarong paagi para madagdagan an satong kaugmahan sa panahon na ini nin Memoryal?
1 Gusto mo daw na madagdagan an kaugmahan mo sa Marso, Abril, asin Mayo? An sarong paagi iyo na pahiwason an saimong ministeryo asin, kun posible, mag-auxiliary payunir. Paano kaiyan madadagdagan an saimong kaugmahan?
2. Paanong an pagpahiwas kan satong ministeryo minaresulta sa urog na kaugmahan?
2 Dagdagan an Saimong Kaugmahan: Linalang kita ni Jehova tanganing makamati nin kaugmahan asin satispaksiyon sa pagsamba sa saiya asin sa pagpanigo sa satong natural na espirituwal na pangangaipo. (Mat. 5:3) Dinisenyo man Niya kita na nauugma sa pagtao sa iba. (Gui. 20:35) Sa ministeryo magigibo tang sambahon an Diyos asin tabangan an mga tawo. Kaya an urog na pakikikabtang minaresulta sa urog pang kaugmahan. Kun mas parati kitang naghuhulit, mas nagigin mahusay man kita. Mantang nagigin mahusay kita, nagkakaigwa kita nin kumpiyansa asin nababawasan an satong nerbiyos. Dakul kitang oportunidad na makapagpatotoo asin makapuon nin pag-adal sa Bibliya. Ginigibo kaini gabos na mas nakakaugma an ministeryo.
3. Taano ta marahayon na bulan an Marso asin Abril para mag-auxiliary payunir?
3 Marahayon na bulan an Marso asin Abril para mag-auxiliary payunir huling makakapili kita sa kahagadan na 30 o 50 oras. Saro pa, puon sa Sabado, Marso 22, asin mapadagos sagkod sa Memoryal sa Lunes, Abril 14, makikikabtang kita sa nakakaugmang kampanya na imbitaran an iba na mag-atender sa Memoryal. Magigin maugmahon an mga kongregasyon huling dakul an ‘magkakasararo’ na makobrehan an pinakadakul na teritoryo sa itinalaan na panahon.—Sof. 3:9.
4. Kun gusto tang mag-auxiliary payunir, ano an maninigo niyatong gibuhon?
4 Mag-andam Na Ngunyan: Kun dai mo pa nagigibo iyan, repasuhon kun ano an magigibo mong pagbabago sa saimong iskedyul tanganing mapahiwas an saimong ministeryo sa sarong bulan o labi pa. Ipamibi iyan. (Sant. 1:5) Ipakipag-ulay iyan sa pamilya mo asin mga kakongregasyon. (Tal. 15:22) Tibaad manumpungan mo na dawa may problema sa salud o sibot na iskedyul, puwede mo man mamatian an kaugmahan sa pag-auxiliary payunir.
5. Ano an magigin resulta kun papahiwason ta an satong ministeryo sa panahon na ini nin Memoryal?
5 Gusto ni Jehova na magin maugma an mga lingkod niya. (Sal. 32:11) An paghihinguwa tang mapahiwas an satong ministeryo sa panahon na ini nin Memoryal, makakadagdag sa kaugmahan niyato asin makakapaugma man sa satong langitnon na Ama.—Tal. 23:24; 27:11.