Bagong Pantabang sa Pag-research

Minilyon na parahayag sa bilog na kinaban an epektibong naggagamit kan Watch Tower Publications Index para mag-research. Pero huli sa pagigin komplikadong marhay kaini, makukua sana ini sa nagkapirang lengguwahe. Kaya, inandam an Giya sa Pag-research Para sa Mga Saksi ni Jehova sa mga 170 lengguwahe. Sa panginot, an mga reperensiya digdi kinua puon sa taon 2000 padagos. Dai kaining inimprenta sa mga lengguwahe na igwa na kan Index pero iiniba ini sa elektronikong format sa Watchtower Library asin Watchtower​—ONLINE LIBRARY. An Giya sa Pag-research matabang sa saimo na siyasaton an simbag sa mga hapot sa Bibliya, makakua nin tabang sa personal na mga problema, asin magpreparar para sa mga pagtiripon sa kongregasyon saka pampamilyang pagsamba.