Sampol na mga Presentasyon

Sa Pagpuon nin mga Pag-adal sa Bibliya sa Inot na Sabado nin Disyembre

“Nagdalaw kami bilang serbisyo-publiko para sa mga pamilya. Gusto kan dakul na magurang na magin maki-Diyos an mga aki ninda. Sa hiling nindo, dapat daw itukdo iyan kan mga magurang o an mga aki an dapat maghinguwang manudan iyan?” Pasimbagon. Ipahiling an likod kan Watchtower na Disyembre 1, asin pag-ulayan an inot na hapot saka kisiyera saro sa sitadong mga teksto. Ialok an mga magasin, asin iareglo an pagdalaw liwat para pag-ulayan an sunod na hapot.

The Watchtower Disyembre 1

“May halipot kaming pagdalaw para ipakipag-ulay an manungod sa Diyos. Aram ming may kanya-kanya kitang opinyon manungod digdi. Sa hiling nindo, para sa kadaklan, saro sana daw siyang dai nahihiling na puwersa o sarong amigo na personal na nagmamalasakit sa sainda? [Pasimbagon.] Hilingon mo kun ano an gusto nin Diyos na magin relasyon ta saiya. [Basahon an Santiago 4:8a.] Ipinapahiling kan magasin na ini an tulong paagi kun paano kita magigin mas harani sa Diyos.”

Awake! Disyembre

“May halipot kaming pagdalaw para ipakipag-ulay an sarong komun na problema sa salud. Sigun sa World Health Organization, an hilang sa isip, arog kan depresyon, makakaapektar pag-abot nin panahon sa buhay nin saro sa apat na tawo. Sa hiling mo, mas nagigin ordinaryo na sana daw ngunyan an hilang sa isip? [Pasimbagon.] An Bibliya nagtatao sa sato nin paglaom na sa maabot na panahon mawawara na an hilang asin kulog. [Basahon an Kapahayagan 21:3, 4] Ipinapaliwanag kan magasin na ini an pirang bagay na dapat maaraman kan gabos manungod sa hilang sa isip.”