Pagpauswag kan Satong Kakayahan sa Ministeryo​—Pagpapatotoo sa Saro na Iba an Lengguwahe

Kun Taano ta Mahalaga: Interesado si Jehova sa espirituwal na kapakanan kan mga tawo ‘sa arin man na nasyon.’ (Gui. 10:34, 35) Kaya, sinabi ni Jesus na an maugmang bareta ihuhulit “sa bilog na kinaban” asin ‘sa gabos na nasyon.’ (Mat. 24:14) Ihinula ni Zacarias na an mga tawo hali ‘sa gabos na tataramon kan mga nasyon’ mahinanyog. (Zac. 8:23) Sigun sa bisyon ni apostol Juan, kaiba sa mga makakaligtas sa dakulang kahurasaan an mga indibidwal ‘hali sa gabos na nasyon, tribo, asin banwaan patin tataramon.’ (Kap. 7:9, 13, 14) Huli kaiyan, kun makanumpong kita sa satong teritoryo nin tawong iba an lengguwahe, dapat na pagmaigutan tang magpatotoo sa saiya.