Organisado Para Maghulit sa Lambang Tawo

Kun paanong inorganisar ni Jehova an mga Israelita, inoorganisar man niya an saiyang banwaan sa ngunyan tanganing gibuhon an saiyang kabutan. Sa bilog na kinaban, an mga sangang opisina, sirkito, kongregasyon, asin mga grupo sa paglilingkod sa langtad gabos nagtatarabangan tanganing maihulit an maugmang bareta. Naghuhulit kita sa gabos, kaiba diyan idtong nagtataram nin ibang lengguwahe.—Kap 14:6, 7.

Napag-isipan mo na daw na mag-adal nin ibang lengguwahe para matabangan an iba na manudan an katotoohan? Dawa kun mayo ka nin panahon na pag-adalan an sarong lengguwahe, puwede mong gamiton an JW Language app para manudan an sarong simpleng presentasyon. Dangan, pagkatapos mong magamit iyan sa ministeryo, mamamatian mo man an kaugmahan na namatian kan inot na siglong mga Kristiyano kan an mga tawong hali sa ibang nasyon dai makapaniwala kan madangog ninda an “makangangalas na mga bagay nin Diyos” sa sadiri nindang lengguwahe.—Gi 2:7-11.

HILINGON AN VIDEO NA MAGIN KATUOD NI JEHOVA—MAGHULIT SA MGA TAWONG IBA AN LENGGUWAHE, DANGAN SIMBAGON AN MINASUNOD NA MGA HAPOT:

• 

  Nuarin mo puwedeng gamiton an JW Language app?

• 

  Ano an nagkapira sa mga feature kaiyan?

• 

  Anong mga lengguwahe an itinataram kan mga tawo sa saindong teritoryo?

• Ano an dapat mong gibuhon kun magpahiling nin interes sa mensahe kan Kahadian an saro na nagtataram nin ibang lengguwahe?—od 100-101 ¶39-41