Kayang Halion kan Edukasyon na Hali sa Diyos an Diskriminasyon

Si Jehova daing pinapalain. (Gui 10:34, 35) Inaako niya an mga tawo ‘hali sa gabos na nasyon asin sa gabos na tribo asin banwaan patin mga tataramon.’ (Kap 7:9) Kaya mayong lugar an diskriminasyon o paboritismo sa Kristiyanong kongregasyon. (Sant 2:1-4) Huli sa edukasyon na hali sa Diyos naeeksperyensiyahan ta an espirituwal na paraiso na diyan nababago an personalidad kan mga tawo. (Isa 11:6-9) Pag hinihinguwa ta na halion sa satong puso an ano man na gira nin pagpalain-lain o diskriminasyon, nagigi kitang mga paraarog sa Diyos.—Efe 5:1, 2.

HILINGON AN VIDEO NA SI JOHNY ASIN GIDEON: DATING MAGKAIWAL, NGUNYAN MAGTUGANG NA. DANGAN SIMBAGON AN MINASUNOD NA MGA HAPOT:

• Taano an kaaraman hali sa Diyos ta mas urog nanggad kisa sa mga paghihinguwa kan mga tawo na halion an diskriminasyon asin pagpalain-lain?

• Ano an hinahangaan mo sa satong pagkasararo bilang magturugang sa bilog na kinaban?

• Paano napapamuraway si Jehova kun pinapagdanay ta an satong pagkasararo bilang Kristiyano?