Makiiba-iba sa mga Namumuot ki Jehova

Taano ta dapat kitang makiiba-iba sa mga namumuot ki Jehova? Huling an satong mga kaiba-iba nakakaimpluwensiya sa sato sa positibong paagi o negatibo. (Tal 13:20) Halimbawa, ginibo ni Hading Joas an ‘matanos sa mga mata ni Jehova’ kan kaiba-iba niya pa an Halangkaw na Saserdoteng si Joiada. (2Cr 24:2) Pagkagadan ni Joiada, binayaan ni Joas si Jehova huli sa maraot na kairiba.—2Cr 24:17-19.

Kan inot na siglo C.E., ikinumparar ni apostol Pablo an Kristiyanong kongregasyon sa “sarong dakulang harong” asin an mga miyembro kan kongregasyon sa “mga kasangkapan” o mga kagamitan sa harong. Nagdadanay kitang “sarong instrumento na may espesyal na gamit” pag linilikayan tang makidayupot sa siisay man, dawa sa miyembro kan satong pamilya o kan kongregasyon, na naggigibo nin mga bagay na ikinakaungis ni Jehova. (2Ti 2:20, 21) Kaya, lugod na padagos kitang makipag-amigo sa mga namumuot ki Jehova asin sa mga nagpapakusog sa sato na paglingkudan siya.

HILINGON AN VIDEO NA MAKANUOD NA ISIKWAL AN MARAOT NA KAIRIBA, DANGAN SIMBAGON AN MINASUNOD NA MGA HAPOT:

• Sa anong mga paagi na dai niyato naririsa puwedeng makalaog sa satong buhay an maraot na kairiba?

• Sa video, ano an nakatabang sa tulong Kristiyano na maipundo an pakikiiba-iba sa maraot na kairiba?

• Anong mga prinsipyo sa Bibliya an makakatabang saimo na magin madunong sa pagpili nin mga kairiba?